Beth ydych chi'n hoffi am eich prentisiaeth?

Mae wedi rhoi cyfle i mi ddatblygu fy sgiliau ar y safle a dysgu ar yr un pryd.

Pam ddewisoch chi'r yrfa hon?

Dewisais wneud Gosod Brics gan fy mod wedi dewis yn wreiddiol i wneud Rheoli Adeiladu yn y brifysgol, ond roeddwn i'n meddwl bod angen i mi gael crefft y tu ôl i mi. Felly fe gofrestrais ar gwrs gosod briciau yng Ngholeg Bedford, lle cefais fy newis ar gyfer prentisiaeth gan gwmni adeiladu cyffredinol, Relmfield Builders.

Beth ydych chi'n wneud o ddydd i ddydd?

Gwnaf unrhyw beth sy'n ofynnol ar gyfer briciwr, o ddraenio, waliau ceudod a waliau solet, lefelu, gosod concrid, plastro, gwaith cynnal a chadw cyffredinol a gwaith brics.

Beth yw'r pethau da am eich swydd?

Rwy'n hoffi popeth, o'r tîm rwy'n gweithio gyda nhw at y sgiliau ymarferol dwi wedi dysgu. O ganlyniad i ddatblygu sgiliau newydd yn y sefyllfaoedd gwahanol y wynebwn o ddydd i ddydd a'r ffaith fy mod i'n dysgu bob dydd, mae fy hyder wedi tyfu. Rwyf hefyd yn hoffi'r ffaith fod bod yn brentis yn eich galluogi i ddysgu tra'n ennill cyflog sydd yn wirioneddol dda!

Beth yw'r peth mwyaf cŵl ydych wedi ei wneud hyd yn hyn?

Un o'r pethau gorau i mi ei wneud oedd adeiladu siambr archwilio yn Ysgol Ganol Gilbert Inglefield yn Leighton Buzzard, gan mai hwn oedd un o'r tasgau cyntaf a wnes i ar fy mhen fy hun. Hoffais hefyd y gwaith o ailadeiladu colofn garreg mewn eglwys leol ac yn ddiweddar dwi newydd orffen adeiladu estyniad, oedd yn hwyl.

Beth fyddech chi'n ddweud wrth rywun hoffai geisio gwneud hyn?

Byddwn yn dweud 'jyst gwna fe'. Dyma'r penderfyniad gorau i mi wneud erioed gan ei fod yn agor cymaint o ddrysau.

Ble ydych chi'n gweld eich hun mewn 10 mlynedd?

Mewn deng mlynedd hoffwn gael rôl fwy rheolaethol neu rôl arolygu ond byddwn yn dal i fwynhau pob cyfle i allu mynd allan ar y safle a defnyddio'r offer a'r sgiliau yr wyf wedi dysgu fel prentis oherwydd dyma beth rwy'n hoffi ei wneud.