I ba gwmni ydych chi'n gweithio?

Rwy'n gweithio i Granger Building Services ac maent yn gorchuddio a chladio toeau.

Beth yw'r pethau da am eich swydd?

Yr hyn dwi'n ei hoffi am fy mhrentisiaeth yw gweithio yn yr awyr agored. Rwy'n hoffi pan ddaw'r haf a gallwch weithio y tu allan yn yr haul pan mae'n braf ac yn gynnes. Rwyf hefyd yn hoffi gallu gwneud gwaith metel y tu allan i'r gwaith. Mae'n sgil dda i'w chael.

Pam ddewisoch chi'r yrfa hon?

Dewisais fy mhrentisiaeth oherwydd i mi adael yr ysgol yn 15 oed, gorffen fy arholiadau ond ni allwn gael swydd, felly dechreuais weithio gyda fy ewythr. Ond nid oedd yn llawn amser, felly roeddwn yn ceisio am swyddi gwahanol, ac yna gwelais brentisiaeth ar gyfer Menter Prentisiaeth y Gymanwlad. Dwi wir yn ei fwynhau.

Beth ydych chi'n wneud o ddydd i ddydd?

Ar hyn o bryd rwy'n gweithio ar Felodrom Glasgow. Byddaf yn symud ymlaen at y cladin ar ôl i mi orffen hyn. Dwi yn y coleg ar hyn o bryd yn amlwg ond yn gorffen yfory, ac yna'n dychwelyd at y cladin yr wythnos nesaf. Caf dro da arni bryd hynny!

Beth yw'r peth mwyaf cŵl i chi ei wneud hyd yn hyn?

Rhaid i mi ddweud mod i'n falch iawn o weithio ar Felodrom Glasgow am ei fod yn dasg bwysig sydd â phroffil uchel ac mae wastad ar y newyddion. Mae'n dda hefyd gan fy mod yn gweithio wrth ymyl Celtic Park a dyna fy nhîm!

Ble ydych chi'n gweld eich hun mewn 10 mlynedd?

Mewn deng mlynedd gwelaf fy hun yn dal i weithio yn y maes toi. Efallai yr af dramor i Awstralia gan fod gwell cyflog yn y maes dros y môr. Ar ôl fy mhrentisiaeth rwy'n mynd i fod yn gwneud fy NVQ.