I ba gwmni ydych chi'n gweithio?

Rwy'n gweithio i'r busnes teuluol D.W. Begley Carpentry and Joinery, sy'n cynhyrchu drysau, ffenestri a grisiau a'u gosod mewn tai ar safle.

Beth yw'r pethau da am eich swydd?

Rwy'n hoffi fy mhrentisiaeth oherwydd fy mod yn dysgu sgiliau yn y coleg sy'n gallu cael eu defnyddio yn syth yn y gwaith sy'n fy helpu i wneud cynnydd yn ystod amser gwaith.

Pam ddewisoch chi'r yrfa hon?

Dewisais Brentisiaeth Gwaith Saer Coed am bod fy nhad wedi bod yn saer coed dros y 30 mlynedd diwethaf ac roeddwn yn mwynhau gweithio iddo yn ystod gwyliau ysgol. Felly, dilynais ôl ei droed ar ôl i mi orffen ysgol.

Beth ydych chi'n wneud o ddydd i ddydd?

Rydym yn cynhyrchu eitemau gwaith coed unigryw - unrhyw beth na allwch brynu. Rydym yn cynhyrchu darnau i fesur a'u gosod. Beth rwy'n ei hoffi am fy ngwaith yw fy mod yn ymarfer crefft fedrus iawn sydd wedi bod o gwmpas ers canrifoedd a bydd yma ymhell ar fy ôl.

Beth yw'r peth mwyaf cŵl ydych chi wedi ei wneud hyd yn?

Y peth mwyaf cŵl i mi ei wneud hyd yma, ac rwy'n falch o hyn, yw ennill rownd rhanbarthol Adeiladu Sgiliau mewn Gwaith Coed. Roedd angen i mi gynhyrchu ffrâm goed cymhleth gan ddefnyddio technegau na fyddwn fel arfer yn eu defnyddio o ddydd i ddydd yn y gwaith.

Beth fyddech chi'n ddweud wrth rywun hoffai geisio gwneud hyn?

Mae'n ffordd wych o ennill bywoliaeth ac y mae'n grefft y gallwch chi bob amser ei defnyddio i ennill arian beth bynnag sy'n digwydd, gan y bydd yn grefft a fydd yma o hyd, a bydd angen adeiladu pethau bob amser. Hefyd, rydych yn adeiladu pethau a fydd yn eich goroesi ac rydych yn gwneud eich marc personol eich hun ar yr ardal lle rydych yn gweithio.