Pam ddewisoch chi'r yrfa hon?

Dewisais brentisiaeth gan ei fod yn gam nesaf delfrydol i'm gyrfa. Dim ond yn ddiweddar yr wyf wedi cychwyn. Roeddwn yn gweithio gyda chwmni adeiladu o'r blaen a chefais y cyfle i symud i fyny i'r swydd hon, felly cymrais y cyfle.

Beth ydych chi'n wneud o ddydd i ddydd?

Rydym yn gweithio mewn tîm o bedwar i chwech o weithwyr, gyda gwahanol bobl yn gweithio ar amrywiaeth o dasgau bob dydd. Rydych yn dysgu pethau gwahanol gan y bobl fedrus o'ch cwmpas ac yn adeiladu eich gwybodaeth.

Beth yw'r pethau da am eich swydd?

Beth dwi wir yn ei hoffi am fy mhrentisiaeth yw holl agweddau gwahanol y gwaith, yn enwedig y gwaith yn yr awyr agored. Rwyf hefyd yn hoffi dod i'r gwaith a gwneud ffrindiau newydd bob dydd.

Beth fyddech chi'n ddweud wrth rywun hoffai geisio gwneud hyn?

Os bydd unrhyw un yn meddwl am ymuno â'r cynllun prentisiaeth byddwn yn eu cynghori i wneud hynny. Mae'n ffordd dda iawn i weithio a dysgu ac mae'n eich symud ymlaen yn eich gyrfa ac yn llawn cyfleoedd da iawn.

Ble ydych chi'n gweld eich hun mewn 10 mlynedd?

Dydw i ddim yn siŵr lle y byddaf, ond mae'r saith mis diwethaf wedi gwneud i mi sylweddoli y byddwn yn hoffi gweithio yn yr awyr agored gyda thîm yn gwneud rhywbeth sy'n ymwneud ag adeiladu.