I ba gwmni ydych chi'n gweithio?

Rwy'n gweithio i gwmni fy nhad, Safe T Reach Access Platforms. Rydym yn gweithio yn y maes hurio, gwerthu a gwasanaethu llwyfannau gwaith uchel symudol, peiriannau a elwir yn y diwydiant yn lifftiau siswrn a chraeniau casglu ffrwythau, y gall masnachwyr ddefnyddio i weithio'n ddiogel ar uchder.

Beth ydych chi'n wneud o ddydd i ddydd?

Mae fy swydd yn amrywio bob dydd. Rwy'n gyrru lori weithiau, trwsio cerbydau sydd wedi torri lawr a gwaith atgyweirio ein peiriannau. Rydym hefyd yn gofalu am beiriannau pobl eraill, profi ac arolygu yn ogystal.

Beth yw'r peth mwyaf cŵl i chi ei wneud hyd yn hyn?

Y peth gorau i mi ei wneud yma yw tynnu injan Cummins V8 yn ddarnau, cymryd yr holl ddarnau allan ohono, ei fesur, atgyweirio unrhyw rannau oedd wedi eu difrodi a'u rhoi yn ôl at ei gilydd unwaith eto, tanio'r injan a sicrhau ei fod yn gweithio. Ac mi daniodd!

Beth fyddech chi'n ddweud wrth rywun hoffai geisio gwneud hyn?

Byddwn yn dweud mai dyma'r lle gorau y gallwch chi ddod i ddysgu os ydych am fynd i mewn i'r math hwn o ddiwydiant. Mae'n waith ymarferol. Mae'n waith theori. Dyma'r lle gorau yn y wlad. Mae pob un o'r citiau sy'n cael eu rhoi yn newydd sbon neu mewn cyflwr da iawn. Mae'r tiwtoriaid i gyd wedi bod yn y diwydiant felly allwch chi ddim methu gyda'r hyfforddiant.

Ble ydych chi'n gweld eich hun mewn 10 mlynedd?

Mewn deng mlynedd, os bydd popeth yn mynd yn iawn, dylwn i fod yn rhedeg cwmni fy nheulu, gobeithio, gyda Dad cymryd cam yn ôl, a minnau yn gyfrifol am reoli ambell berson.