Beth i'w ddweud pan ofynnir i chi am adeiladu

Yn y tudalennau hyn, gallwch gael gwybod am y gwahanol alwedigaethau yn y maes adeiladu a'r math o bobl sy'n gweithio ynddynt. Gallwch ddefnyddio ein teclyn Ymgynghorydd Gyrfaoedd i helpu'ch disgyblion i weld pa fath o swyddi sydd o ddiddordeb iddynt, a gallwch edrych ar ddigwyddiadau lleol a chysylltiadau os bydd angen i chi gael gwybod mwy.

Pwy yw CITB-SgiliauAdeiladu?

CITB-SgiliauAdeiladu yw darparwr hyfforddiant mwyaf blaenllaw'r Deyrnas Unedig ar gyfer prentisiaethau adeiladu. Rydym yn gweithio mewn partneriaeth â cholegau ledled y Deyrnas Unedig, yn rheoli llwyddiannau a chefnogi ein dysgwyr ifanc a'u cyflogwyr.

Gyda phrofiad o dros 45 mlynedd yn y diwydiant adeiladu, mae CITB-SgiliauAdeiladu yn falch i fod yn rhan o hyfforddi cenhedlaeth newydd o weithwyr medrus y diwydiant adeiladu.

Mae gan ein staff i gyd brofiad o weithio gyda phobl ifanc ac yn gymwys ym mhob agwedd ar ddiogelu plant ac oedolion sy'n agored i niwed. Mae'r holl staff sy'n gweithio gyda phobl ifanc wedi cael y gwiriad Swyddfa Cofnodion Troseddol (CRB).

Cwestiynau Cyffredin

Mae llawer o resymau pam y dylai pobl ifanc wneud cais am Brentisiaeth CITB-SgiliauAdeiladu. Isod ceir rhai atebion i rai cwestiynau cyffredin y gallech dderbyn.

Sut fyddwch chi'n sicrhau bod prentisiaid yn gweithio i gwmni teilwng?

Mae'r holl brentisiaid yn cael eu cyflogi yn llawn drwy gydol eu hyfforddiant prentisiaeth. Mae pob cwmni sy'n cynnig prentisiaethau yn cofrestru'n wirfoddol gyda CITB-SgiliauAdeiladu ac yn cael eu gwirio gan staff cymwys.

Sut ydych chi'n sicrhau y bydd y prentisiaid ifanc yn ddiogel?

Mae'n ofynnol i gwmnïau cofrestredig sicrhau bod gan eu staff i gyd yswiriant llawn yn y gwaith ac mae prentisiaid yn cael eu goruchwylio gan weithwyr profiadol, llawer ohonynt yn gyn brentisiaid CITB-SgiliauAdeiladu eu hunain.

Mae pob cwmni yn derbyn archwiliad iechyd a diogelwch llawn cyn i'r prentis gychwyn a cyflawnir archwiliadau rheolaidd o ddiogelwch y prentis yn ystod adolygiadau safle.

Ni fydd CITB-SgiliauAdeiladu yn gweithio gydag unrhyw gwmni sydd ddim yn barod i gydymffurfio â rheoliadau diogelwch.

Sut fyddwch chi'n gwneud yn siŵr bod y person ifanc yn mynychu'r cwrs cywir yn y coleg cywir?

Mae CITB-SgiliauAdeiladu yn gweithio gyda nifer fawr o golegau addysg bellach drwy Loegr ac mae dewis helaethach o brentisiaethau ar gael yn y nifer o Golegau Adeiladu Cenedlaethol.

Cyn cael eu derbyn, mae pob prentis yn cael prawf mynediad er mwyn sicrhau eu haddasrwydd a'u gallu i gwblhau'r cwrs.

Sut y gallwch sicrhau bod person ifanc yn cwblhau prentisiaeth gydnabyddedig?

Mae'r holl gymwysterau adeiladu yn seiliedig ar gymwysterau SVQ / NVQ a Diploma ac yn cael eu cydnabod yn genedlaethol. Mae staff penodol i ddarparu cefnogaeth a chyngor parhaus ar gyflawniad yr SVQ / NVQ a datblygiad gyrfaoedd.

Llofnodir cytundeb Cynllun Prentis Adeiladu (CAS) gan bob parti a'i rhoi ar waith fel gweithred prentisiaeth ffurfiol. Mae CITB-SgiliauAdeiladu yn cyflawni adolygiadau cynnydd ffurfiol rheolaidd a phawb yn cael gwybodaeth am y canlyniadau.

Dyfarnwyd Gradd 2 i CITB-SgiliauAdeiladu gan OFSTED yn Lloegr ac fe'i hystyrir i fod yn ddarparwr hyfforddiant 'da neu well'.

Beth sy'n digwydd wedi prentisiaeth?

Darperir cyngor parhaus ar lwybrau dilyniant yn seiliedig ar allu'r unigolyn a'i uchelgais.

Beth yw budd prentisiaeth?

Mae prentisiaeth yn swydd gyda chymwysterau; mae hyn yn rhoi'r gallu i 'ennill wrth iddynt ddysgu' i'r prentisiaid. Gan gyfuno dysgu yn y coleg a phrofiad yn y gweithle, sicrheir bod y prentisiaid yn cael y cydbwysedd cywir o sgiliau technegol a phrofiad ymarferol.

Mae CITB-SgiliauAdeiladu yn talu'r holl gostau sy'n gysylltiedig â chymwysterau ei brentisiaid ei hun hefyd.